王君馨冇錢交租 險瞓街

王君馨對朋友重情重義，在圈中甚多老友，她最近於新劇《女警愛作戰》同樣演一名充滿義氣的女警。君馨說：「喺戲入面我做一個充滿正義感嘅人，即使上刀山落油鍋亦在所不辭。」她坦言拍攝時憶起兒時往事：「記得以前讀書嗰陣，我係學校活躍分子，即使班上冇人理嘅女仔，我都會嘗試了解，選擇祝福一啲冇咁多人錫嘅人。記得情人節嗰陣，我整咗卡畀全班，當冇人理個女仔收到張卡之後，佢即刻喊咗出嚟，仲多謝我。」

契媽借屋暫住

君馨的正義感從小延續至今，即使朋友落難，都會第一時間幫忙。她試過將戶口接近六位數字的儲蓄借給團契中的姊妹以解燃眉之急，不過卻換來差點落難街頭。她謂：「當時真係想喊，因為自己冇錢交租，喺搵屋期間真係想喊。我唔明神點解要我受咁多苦！正喺我好難過嘅時候，我契媽竟然畀我暫住佢間屋六個月，我未試過住過咁靚嘅地方，而且又有工人照顧我，呢個真係神嘅恩典。」

君馨「落難」後，學懂節儉美德。	君馨為解朋友燃眉之急，不惜借出近六位數儲蓄，但付出義氣的同時卻累她險落難街頭。	王君馨在新劇飾演義字當頭的女警。

改大花筒性格

君馨在這段捱苦日子裏，改變以往「大花筒」的性格。她說：「以前真係唔太明白錢嘅價值，譬如我會用一千蚊去酒店食飯、三百蚊High Tea。不過嗰段日子，當我行過快餐店都覺得廿幾蚊一個餐好貴，其實去麵包舖買一個價值三個半嘅菜肉包食，已經好滿足。」

文：文珊

攝：秦健輝

服裝、場地：Amen Papa

髮型：Mo@HH

化妝：Pheobe