石天欣「被姦」傷脊骨
無綫女藝員石天欣在新劇《仁心解碼II》中拍攝被李家聲強姦戲份，向來喜歡挑戰的她直言首次被姦心情興奮：「監製睇過我喺《換樂無窮》嘅演出，第一時間諗起我，我好爽快咁答應！」不過興奮心境很快被打沉，拍攝當日天欣不停被家聲追打，由樓梯推撞到天台，令她苦不堪言：「我係咁掙扎同跌低，仲要拍足半日，我又冇準備護腰，結果整到脊骨歪咗，之後睇咗好耐跌打！」
對於該集播出後甚大回響，網民認為太暴力太激，天欣認為處理手法合理：「朋友都話係好逼真，但要講法醫調查件案，所以細節會多啲。（驚被投訴？）預咗有，只好做好演員本分。」