潘曉彤抵得諗收火拍拖
藝人潘曉彤自爆新劇將會飾演野蠻女友，常常與劇中的男友羅君煥在醫院狂吵架，她自言這角色「非常惡頂」：「因為個角色性格都幾自私，又易發脾氣，所以成日都會同因病而長住醫院嘅男友在醫院開片！」不過，她強調現實中的她是個明白事理嘅女生：「以前可能會火爆啲，但依家唔會，有咩（唔開心）都會心平氣和咁講，因為嘈完『執手尾』修補關係）才是最麻煩！」
談到怎樣揣摩角色，她指會跟姊妹多聊天：「我會同朋友多傾偈，分享大家嘅睇法，其實細個拍拖成日會視某啲嘢係幸福，於是就嘗試去將佢『製造』出嚟，將自己想要嘅投射喺對方身上，最後搞到大家都唔開心，同班Friend食飯嗰陣一齊討論呢種心態，就容易啲代入番個角色喇。」
服裝：bread n butter