洪詠詩闖梅花樁 鉗男倒奶
o靚模仙樂都（吳堯堯）、洪詠詩（Daisy）及張可義（Emily）等最近不斷作新嘗試，一眾靚女為求撇甩o靚模之名，決定賣藝兼賣波，拜師學舞獅，眾女挾驕人上圍勇闖梅花樁，「倒奶」半天吊大玩人肉「海盜船」，引來一群圍村阿伯擔櫈仔霸頭位睇好戲，而仙樂都就擊鼓造勢。
仙樂都及Daisy等o靚模為有線節目《7條事業線‧食腦任務：食腦任務》作新挑戰，除之前學做保鏢而弄得一身瘀傷外，今次走入元朗圍村學舞獅。由於每集節目均有不同模特兒現身，這次便加入新血Emily，Emily去年被拍得與足球員陳肇麒到時鐘酒店密會，之後她銷聲匿迹達一年，至最近才蒲頭，Emily對過去的事不願再提，現時目標明確，她說：「依家會專注工作，努力發展。」
舞獅頭搶鏡
當日，Emily與Daisy經一輪練習後被師傅欽點舞獅頭，兩女要上2米高梅花樁大耍「獅功」，雖然站在梅花樁上步步為營，但無阻兩女大擺型格甫士，Daisy使出高難度動作搶鏡，兩腳向獅尾壯男腰部一鉗，一招人肉「海盜船」在半空中左上右落技壓眾女，引來圍村叔父擔櫈仔睇好戲，金睛火眼為後生女落力表演打氣。Daisy舞獅似模似樣，但她透露「台上一分鐘，台下幾粒鐘」，她說：「之前一日練咗幾個鐘，曬足咁耐，我都練到傷咗，個師兄要捉實我，所以條腰都瘀晒。」
仙樂都雖然無緣擔任獅頭重任，但打鼓造勢亦有板有眼，率領其餘o靚模為樁上姊妹吶喊助威。
文：影視組