二汶迷Juno一拍即合

Juno和Eman表示一早已互相認識，不過直到近日合唱《逆蒼生》才第一次正式合作，兩人更大讚對方，Eman自爆一直是Juno的忠實粉絲，每次Juno出碟都會搶先購買，而Juno則謂兩人同樣入行十年，腦海一路以來都有找對方合作的念頭，結果今次Juno主動出擊，Eman即一口應承，兩人都形容此次合作很有火花，大家可以互補不足，Juno又坦言有很多事一個人未必做到，喜歡善用身邊的夥伴。

想做心理醫生

兩人異口同聲認為《逆蒼生》是一首勵志歌，而Juno去年首次執導，兼親自編劇電影《殭屍》，近年又向「非主流」曲風發展，他認為人最緊要有清晰方向：「好似做音樂寫劇本，唔應該淨係做啲大家都認為係咁做嘅嘢，要做啲自己真係想做嘅題目。」他又透露自己以前曾經想過做心理醫生，因為對研究人性有興趣，雖然最終未有入行，但現時做創作，作品都會探討人性。

信自己事竟成

至於Eman則認為人要實踐自己想行的路，必先相信自己：「我一搵到一樣好相信嘅事，我會係世界上最後一個唔信呢樣嘢嘅人，我試過睇中某個牌子嘅電話，我就會信佢係最好用嘅，雖然最後發覺部電話未必咁好用，但都會選擇自己信嘅嘢。」亦因為相信自己，Eman在2011年成功實踐所謂「逆蒼生」，完約後成立個人品牌「Lam2」自資出碟及開音樂會，她表示此舉好像細蚊仔學游泳，要親身了解行內的營運模式，並學懂為自己負責任。

文：音樂組

攝：沈健程

Juno's make-up：Khaki

Eman's hair：Derrick@QUEEN'S PRIVATE i

Eman's make up：Kris Wong