胡漢清母山窮水盡 向兒子追索資產
資深大律師胡漢清（Alan）與年屆84歲母親莊永楚（Linda）近日爆發爭產事件，胡母向Alan追索上海物業及1,150萬現金，前日胡漢清發聲明，表示為家事，強調自己很愛錫媽咪。但昨日胡母臨時聯同其契女白姐姐白韻琹、謝偉俊以及立法會議員張宇人開記者會，胡母由白姐姐及一看護攙扶下出現，行動虛弱，記者會一開始便喊。
「我想攞番上海間屋」
她說：「我想攞番上海間屋，加拿大買咗樓花，依家冇錢交尾數，唔知點處置，（嗰日你喺沙宣道大宅情況係點？）上年10月，仔派律師同我講，話我有乜就同佢（律師）講得啦，個律師話11月尾叫我離開上海嗰間屋，我話返（香港）沙宣道大宅住，但佢話已換咗鎖匙，訂咗酒店畀我，可以住一星期，之後可以返加拿大。」
問她沙宣道大宅有何財物？她說：「有護照、保險箱鎖匙、支票簿和衫，上海返嚟，天冷天暖衫都冇，10月到依家，（仔）都冇同我通過電話。」白姐姐代說：「Linda有三個要求，佢想要番上海間屋；想攞番由仔託管嘅1,150萬現金；同埋佢想住番香港沙宣大宅，否則仔要租其他地方畀佢住。」
胡母稱有致電兒子：「佢聽到我把聲唔聽，打去office，秘書話留言。」胡母說出與兒子爆不和的原因：「佢同江希文結婚，我話唔出席，佢次次結婚都使咗我好多錢，佢同Rachel（第二任太太）離婚時，我同仔講：『你都62歲，有仔有女，我唔會再畀錢你，我冇辦法幫你。』到我依家山窮水盡佢又唔畀錢我。（因為江希文？）唔關佢事。」受胡漢清委托出席的張宇人透露他們原本相約大前日（19日）見面，但最終未能成事。白姐姐透露胡母30多年前立下遺囑，Alan是唯一受益人。
記者致電Alan的律師行，其朋友透露19日兩人沒見面的原因：「嗰日黃雨，係媽媽話唔嚟！」而事後張宇人亦回覆記者說：「伯母本來唔願望見Alan，但我哋同伯母講Alan好大誠意，想當面講件事，所以約咗時間地點見面，伯母都話好，（昨晚（今晚）？）唔可以透露。」而據知昨晚胡漢清與胡母在秘密地方見面，面對面解決問題。
胡漢清指母可出入自如
胡漢清前日在聲明中指：「加拿大和上海房子的購置，均為供我母親專用，她也一直穿梭往返香港、上海、溫哥華三地居住，各地物業向來進出自如，迄今情況也無改變。」