蔣怡谷奶未夠班鬥高Ling
模特兒兼藝人蔣怡（CoCo）自宣布懷有五個幾月B女後，昨日首次出席公開活動，她着上高跟鞋兼低胸上陣，但都不敵同場晒事業線的「咪神」高海寧。
因懷孕谷胸的蔣怡（CoCo）與高海寧（高Ling）出席活動時都以低胸裙示人，但顯然高Ling仍高一線。CoCo表示平時老公翁狄森都批准她着高跟鞋：「我又未去到水腫而着唔到高跟鞋，我行幾步，身邊嘅人都好緊張，覺得好幸福。」提到為何2011年已秘密擺酒？她直言是完成翁父的心願：「對親戚一個交代，而且冇法律效力，所以冇對外公布，而南非呢次先係正式婚禮。（老公否認？）佢想一次過話畀大家知。」
佗B旅行辛苦
問到是否奉子成婚？她直言：「唔係，係一個驚喜，我知嗰時已有兩個月，計劃緊個婚禮，我哋仲問醫生會唔會飛唔到去南非，醫生話冇問題，最後都可以照計劃完成婚禮，好開心，不過佗B去旅行好辛苦。」她透露因懷孕初期冇胃口而瘦了不少，現在已有胃口，體重增加了5磅，她笑言：「依家食多咗，都係食菜，唔係油膩嘢，第日BB應該鍾意食素同識保養。（改咗名未？）未。」
自信好生養
同場的高Ling穿上粉紅色吊帶裙示人，她表示：「條裙係大會安排，（係咪想做奶媽？）我將來會做媽媽。（CoCo有BB都冇你上圍咁勁，你有咗咪仲勁？）冇諗過呢個問題。」提到同場的小朋友扭計？她笑言：「小朋友怕陌生人，唔受控制，不過女仔好啲，第日都係生女喇！（係咪諗住儲定卵子第日生女？）唔會，唔使揀性別，亦都唔需要用科技，我都應該好生養。」
文：名人組