樂瞳粗魯擘腳嚇親導演
無綫藝人樂瞳在最新古裝劇中一洗之前的「港女」形象，扮演粗枝大葉的女生角色！雖然她自言男仔頭，不過拍了劇集《初五啟市錄》和《師父‧明白了》後，樂瞳都笑言未可抽離角色，她說：「拍完呢兩套劇之後，我真係變得粗魯晒！有次影《師》劇海報時，我竟然坐喺studio擘大咗隻腳，搞到導演都忍唔住同我講：『樂瞳，你斯文啲啦！』所以我都要變番斯文啲，我唔想搵唔到男朋友！」
提到樂瞳出道至今緋聞不絕，最近她更無辜與李天翔扯上關係，對此樂瞳也無奈地說：「唔通男同女之間唔可以有純友誼？同埋我通常都一大班人出街，所以我都覺得好無辜同無奈！而我同天翔更加只係普通同事，因為要宣傳《初》劇嘅感情線，所以先同佢影幾張合照放上微博。」
髮型：Bowie Lo＠Chin.G