李綺雯爆小白抓搭膊合照
無綫藝人李綺雯早前在劇集《法網狙擊》客串司儀一角，於劇中帶頭向強姦了高海寧的白健恩（小白）投以鄙視眼光，趕他出場。日前二人在活動中竟然狹路相逢，不過這次他們卻老友合照，二人更不禁談起該次拍劇的情況，小白說：「仲記得上次拍劇嗰陣，佢（李綺雯）向我投以鄙視眼光，搞到我唔敢正眼望佢，仲以為自己真係得罪咗佢！不過今日重遇，我先發現原來佢都幾nice！」
至於擁有烈女性格的綺雯就笑言：「如果現實中遇到龐世邦（白健恩劇中角色）呢類人，唔理佢幾有財有勢，我都會帶頭鄙視佢，搞到佢無地自容！」而綺雯又爆對方現實中的性格相當害羞：「唔好睇小白拍戲咁大膽，其實佢好怕醜，我哋之前見過幾次，不過到我同佢第三次影相時，佢竟然問搭我膊頭係咪好啲，還問我介唔介意，哈哈！」