衛詩雅貪口爽獨吞巨鑽
英皇藝人衛詩雅（Michelle）於7月推出處女作，以深入淺出手法傳授揀鑽石秘笈，得公司全力支持的她獲千萬鑽飾贊助，其中一隻逾160萬的卡裝鑽戒，令Michelle「愛不釋口」含鑽拍照，但她也自覺行為太瘋狂，怕不慎吞下巨鑽落肚就大件事！
衛詩雅未入行前曾從事珠寶生意，早年已擁有珠寶鑑證師牌照，投身娛樂圈後，對鑽石業依然有着濃厚興趣，閒時會幫朋友及圈中人搜羅又平又靚又保值的鑽石，她說：「因為太多朋友問我有關揀鑽石嘅事，不如我出本書教大家啦！雖然市面上有好多教揀鑽石嘅書，但嗰啲太深，行外人唔會睇得明，我就出本簡易版，同大家分享揀鑽心得。」
千萬首飾做道具
Michelle的著作當然會加插大量靚女相，日前她便特地到鑽石加工場拍照，還獲英皇借出過千萬珠寶作拍攝之用，包括卡裝鑽戒、如麥提莎大的珍珠套裝及多套名貴鑽石首飾，當她看見逾160萬的鑽戒時不禁雙眼發光，還一度將鑽戒放入口咬實拍照，她說：「睇到咁靚、咁大粒嘅鑽戒真係好興奮，忍唔住咬住佢影相，不過影完後先知驚，如果吞咗落肚點算好？」
學術書有捧場客
至於Michelle可會以性感造型登場？她覺得襯鑽飾不宜太性感，但她也會穿大露背裙以示其高雅一面，至於另一部分會到日本取景，屆時會帶備多套設計簡潔的首飾同行：「日本嗰part似寫真集多啲，我會教大家用簡單嘅首飾襯便裝，等大家知其實鑽飾平時都可以佩戴。（可擔心到書展時被o靚模搶去讀者？）不擔心！深信讀者群並非全屬『睇肉』一族，有學術性的書也會受歡迎。」
文：音樂組