四大入無線齋唱冇獎攞
無綫與四大唱片由版稅到合約問題擾攘近4年終「言和」，雖然四大歌手能自由亮相各大電視台，但四大歌手一日未簽「勁歌金曲比賽合約」，依然未能登上勁歌頒獎禮門檻。
四大唱片公司昨派出旗下歌手吳雨霏（Kary）、官恩娜（Ella）、連詩雅、周柏豪、陳柏宇、關楚耀等十多位歌手現身「破冰」記者會，宣布無綫和四大唱片達成協議重新合作，無綫於4月19日會為四大歌手回歸製作音樂特輯，而7月7日亦會舉行大型的紅白歌手大賽。
余詠珊：一步步嚟
雖然四大歌手終成功再亮相無綫，亦能自由亮相其他電視台，但對於角逐勁歌金曲頒獎禮的「關鍵問題」仍未解決。無綫助理總經理陳樹鴻表示因「勁歌金曲頒獎禮」是一個比賽，參與比賽要符合規則，歌手要簽一份「勁歌比賽合約」。他承認至今四大歌手未有簽這份合約，故只可在《勁歌金曲》作節目表演卻不能參賽，他澄清：「無綫從來冇硬性規定歌手不能去其他電視台，係唱片公司同歌手嘅選擇。」
對於四大歌手未簽「勁歌比賽合約」是否不能爭獎？四大代表謂：「冇話唔畀玩頒獎禮。」至於Sony Music董事總經理馮建強則說：「會持開放態度，亦不排除簽約。」環球董事總經理黃劍濤亦口徑一致，但問到歌手可會出席年尾頒獎禮時，他則說：「真係答唔到你。」無綫高層余詠珊相信指日可待：「一步步嚟，相信好快佢哋會簽埋。」
周柏豪望Ella關照
昨日現場一眾四大歌手也表示期待已久能重返無綫，談到歌手要簽「勁歌比賽合約」否則冇獎攞？Kary則謂：「頒獎禮形式都未知點，又話傳搞一個四合一頒獎禮？（變統一頒獎禮，競爭仲大？）係良性競爭，做音樂唔係為贏啲乜。（有阿樂唔使要獎？）哈哈，都唔關事。」而Ella表示去年底簽約華納，不少人擔心她會少了無綫工作，未料到數月後破冰，如此幸運令她也很開心，在旁的柏豪即抵死叫Ella「射住、射住」。
文：音樂組