紅姑碌上癮失手簽爆卡

息影女星鍾楚紅前晚與模特兒汪圓圓、Mandy Lieu一同出席花旗銀行舉行的「Citibank Ultima Card」活動，紅姑即場獲大會送贈黑卡一張，十分架勢。紅姑表示很喜歡碌卡，問到可有試過碌爆卡？她坦言：「自己好謹慎，但都有試過碌爆。依家有黑卡好啲，冇限額，（免找數額？）有啲優惠，持黑卡好方便，訂位唔使自己搞。」紅姑謂年初去過東南亞旅行，復活節就不會外遊，原因是要出席教會舉行的彌撒，問到新上任的教宗如何？她說：「幾好，相信新教宗會改變傳統，更多人成為天主教徒。」

此外，提到哥哥張國榮逝世十周年紀念日將到，她表示會為哥哥紀念演唱會拍攝片段。問到與哥哥的難忘事？她說：「以前同哥哥出去拍外景，好多時間相處，亦去過幾次法國睇家品，我好掛住哥哥，佢永遠喺我心裏面。」至於會否復出拍電影，她坦言未有合適角色。談到感情生活，問現在有否另一半？她笑說：「你睇我個樣就知啦！（好多？）承你貴言。」

汪圓圓未婚夫體貼送贈附屬卡。

徐淑敏笑言背後新聘的靚仔保鏢是充撐場面。

圓圓有婚前恐懼

而汪圓圓亦透露自己有碌卡的習慣，但未試過碌爆卡。問到未婚夫蔡加讚有否給她附屬卡？她即甜笑暗示有：「錢就唔好講啦。（男友畀張卡你係一種肯定？）兩個人拍拖點都會信任。（加讚幫你找卡數？）佢好錫我，做番男朋友會做嘅事，但我有能力自己賺錢自己使。」她又表示近期籌備婚禮導致有點失眠，有壓力和發夢被人追，可能有婚前恐懼。同場的徐淑敏全程由保鏢護送，她還向傳媒介紹這名新聘靚仔保鏢：「老公特登畀個靚仔我充撐場面，（佢擔心你人身安全？）我都唔明，佢決定啦！」

文：名人組