苟芸慧嘆遇爛桃花
無綫藝人苟芸慧昨日與蕭正楠到電台宣傳，與郭富城傳緋聞的苟芸慧坦言是爛桃花，她說：「近排多爛桃花，我都覺得無奈，不過會勇敢面對，始終唔係事實。」問到報道出街後有否與城城聯絡？苟芸慧說：「冇，真係唔關我事，希望冇影響佢平時生活。（自己受困擾？）少少啦。」苟芸慧笑言知道自己已達適婚年齡：「依家冇對象，要有緣分，唔係想就有。」
對於日前與無綫高層樂易玲齊看城城紅館騷，苟芸慧說：「初時都有猶豫好唔好去，因為啱啱有緋聞，但諗諗吓，又唔係真，我冇做錯，唔去就好似心中有愧，我都係第一次睇城城騷。」記者笑她好彩沒與熊黛林同場，苟芸慧說：「唔會尷尬，反正都完啦，冇乜嘢避忌。」她承認有到後台與城城見面：「禮貌上去打個招呼。」而蕭正楠踢爆劇中的方中信經常教苟芸慧及朱璇做戲：「所以我哋笑佢哋係『朱苟不如』。」而王君馨日前也有去欣賞城城個唱，更入後台跟城城合照。