姚書軼愛上老古董

名模姚書軼（Mikki）出道多年，眼見與她同期的模特兒紛紛轉型，Mikki亦深知模特兒工作不能長久，故她也開始接觸其他工作，她說：「模特兒仲係我首要工作，但我開始對金融或古董工作感興趣，亦計劃修讀有關歷史古董嘅課程。」她續說：「其實好慶幸做到模特兒工作，令我可以接觸到好多新事物，好似擔任拍賣行嘅模特兒，接觸到啲天價嘅珠寶同古董，從中學到好多嘢，亦對古董產生咗興趣，我最鍾意係瓷器，對啲歷史、有內涵嘅嘢好有興趣，平時都有睇好多有關古董瓷器嘅書，每一件瓷器背後都有個故事，嚟緊諗住去讀有關課程，希望將來用得着。」