張暖雅面腫有口難言
性感女星張暖雅、藝人白健恩（小白）、雨僑、張建聲等前晚出席電影《白宮淪陷》首映。早前被本報踢爆秘密飛日本整容的張暖雅，前晚依然面腫腫，擘開口說話都有困難，但她繼續死撐指是十天前一次過剝四隻智慧牙後，仍未消腫，她又理由多多謂：「我係大陸人，辦日本簽證好難，要畀十幾萬按金、房產同車嘅證明，我冇去過日本！唔通我去大陸整，我依家個樣同以前一樣，我整咗邊度呢？（你個鼻高咗？）冇講大話，邊會高？」
另外，被捲入做鴨接客疑雲的小白，坦言心情尚未平復，而其經理人眼見愛將被屈，亦非常心急，在旁幫忙解釋：「佢依家上緊位，有三個代言同一部電影傾緊，唔需要用呢啲方法搵錢！」