學友怕個女情傷 自責報應
「歌神」張學友有女萬事足，其12歲大女開始踏入反叛期，作為父親的他直認壓力非常大，最擔心是女兒在感情上受到傷害，笑言自己有「報應」！
學友一向生活低調，甚少與家人出席公開活動，大女瑤華今年已經12歲，細女瑤萱則8歲。對於近日香港發生多宗倫常慘案，昨日為now錄影節目的學友坦言未敢告訴女兒，不想亂講怕講錯。而女兒日漸長大，也開始主動傾不同的問題，包括性教育，學友說：「都要講，我哋（和太太）分開講，佢講佢，我講我，我負責同個女解釋男仔嘅心態。」
學友曾經問過女兒有否拍拖，他說：「佢話冇，（擔心？）我已經覺得冇得擔心，教佢點樣保護自己，話佢知後果會點。」學友認為女兒遇上感情事，是必經階段，他說：「其實呢個唔係最擔心，係擔心佢受傷害，但係實會嘅，（你以前有冇傷害過人？）報應囉，哈哈。（傷害過幾多人？）傷害過幾多個都係報應，哈哈。」
無諗過再生
作為父親，學友坦言好大壓力，對大女曾經以嚴父管教，近年則轉用朋友方式與女兒相處，問他是否「呷醋爸爸」，要女兒帶男友給他過目？學友笑說：「盡量希望係咁，睇到個人放心啲，單係諗會放大好多倍。」由於兩個女兒均讀國際學校，女兒反叛得較快，可能是思想比較開放、自由，他亦希望給女兒灌輸正確觀念。
學友在新片中飾演一個借種生仔的富豪，問他可會追番個仔？學友大笑說：「唔係啩，你講笑啫，（人工受孕？）我依家冇擔心過我需唔需要人工受孕，因為我冇諗過要、冇諗過再生，人喺唔同階段做唔同嘅嘢，唔好成日一味諗住生仔。」
文：音樂組