伊健遇險賜蒙嘉慧名分
鄭伊健、于波及導演于仁泰昨日受訪宣傳電影，於天馬電影《忠烈楊家將》飾楊大郎的伊健坦言遇險：「有場戲威吔kick住隻馬，成隻馬打側，好驚險！但突然有股無形力量托番我上嚟。（有冇同蒙嘉慧講？）冇呀！都唔記得。」問是否險死後促成結婚？他笑說：「唔係淨係呢樣嘢嘅，人大個咗，覺得萬一有咩事，去醫院被人問到，對方都叫有個名分。」
導演于仁泰透露最困難並非拍攝千軍萬馬場面，而是不少男星得知大部分是群戲後即耍手擰頭拒拍：「好多人以為群戲即係冇戲！」幸好最後成軍的楊家七將毫無芥蒂沒爭戲：「伊健做好大哥榜樣，而且好知我心，會主動讓對白畀其他兄弟講。」