Mandy剩女猴擒 搶啜馬國明

馬國明、Mandy Lieu昨日在會展《香港國際影視展2013》出席無綫網絡電視與和記環球電訊宣布合作活動，無綫的收費電視亦於本月18日改名為「無綫網絡電視」。

「唔收錢都抵」

昨日28歲生日的Mandy身穿性感tube dress裙，司儀請她為馬明送上王冠為禮，他笑說：「乜唔係錫啖咩？」鬼妹仔性格的Mandy一於付諸行動，隨即猴擒向馬明獻吻，面對突如其來的艷福，馬明尷尬得「硬晒軚」，呆足十秒後笑說：「今日唔收酬勞都抵。」及後兩人在後台一同受訪，馬明亦向Mandy獻上birthday kiss回禮。又直認喜歡Mandy這類型女仔：「當然非常好，我咁悶蛋，佢又靚女、又咁開朗，冇得頂！（會約會佢？）佢係女神，當然私底下約啦。」雖為「剩女」，但心情靚爆的Mandy笑說：「今日真係好開心，有蛋糕又有birthday kiss、又有朋友幫我『扯皮條』（其實她想說扯紅線），生日真係好開心。」記者向她解釋「扯皮條」之意，她爆笑頻說「唔好意思」。

Mandy Lieu昨日生日，猴擒向馬明獻吻，他亦禮貌回禮。

王敏德（右二）在活動中送上蛋糕賀Mandy生日。

十幾友爭住chat

心情亢奮的Mandy被笑問是否吃了藥？她說：「唔係，我今日食咗蛋糕，係sugar high，哈哈。」之後Mandy說愛睇馬明的劇集，覺得他真人斯文吸引，一於大送秋波，若他提出約會會否應約？Mandy笑說：「幾時呀？」

此外，Mandy與名模Ana R.昨日為王敏德的自家品牌與皮革品牌合作系列發布會擔任模特兒行騷，同場有馬詩慧、琦琦、歐陽妙芝、貝安琪等。王敏德送上手袋賀Mandy生日，吻賀壽星妹又唱生日歌道賀，更承諾請她遊直升機河。說到生日願望，Mandy希望工作、家庭及感情也開心：「踏正凌晨12點有十個男仔朋友一齊打畀我group chat。（有冇男仔乘機表白？）生日嗰日表白，咁我咪蝕晒，以後少一份禮物。」

文：影視組