周秀娜爆瘡多人追慢慢揀

「宅男女神」周秀娜（Chrissie）昨日出席時裝活動時，大會安排小朋友跪地向她送上鮮花，及後又攬着她獻吻，令她冧爆。Chrissie坦言：「好耐冇收花啦！大個咗，覺得男仔送花好浪漫，不過拍拖最重要係溝通同開心。」

「人哋有老婆」

早前Chrissie被本報拍得與大陸富二代董路到西貢吃海鮮，兩人親熱地又拖又攬，對方是否追求者之一？Chrissie初時唯唯諾諾，後來說：「佢（董路）只係我內衣生意嘅拍檔，佢喺北京嚟，佢過嚟做完嘢咪一齊食飯，我梗係要招呼佢。（佢單身？）佢有老婆，我都識，不過嗰次佢老婆唔喺度。（你哋又拖又攬？）當日只係朋友食飯，普通禮儀。（拖攬式咁招呼朋友？）唔係。」

周秀娜早前被拍得與大陸富二代食海鮮，又攬又抱，她說只是盡地主之誼，禮貌招呼。（資料圖片）

小朋友爭住錫Chrissie，氹得她好開心。

捱夜體力差

至於還有沒有新追求者？Chrissie說：「唔知，有同朋友食飯，出街就少啲，冇咁多時間。（有冇合眼緣？）真係要睇吓，我唔心急。」現場所見，她的嘴上生了唇瘡，未知是否因為太dry而生唇瘡？Chrissie解釋說：「呢排唔夠瞓，拍夜戲多，所以身體免疫力差啫。」

文：名人組