森美唔沖涼罰做廳長
藝人森美昨日出席「3.22世界水日承諾大行動」，聯同4位扮演「小森美」的小朋友表演沖涼短劇，宣揚節約用水，場面搞笑。森美更在台上分享自家獨門沖涼慳水法，就是一邊沖涼一邊洗衫，可謂創意十足！問到森美平日可有其他節約用水方法？他自爆自己平時好少用水，皆因自己不愛沖涼：「我唔鍾意沖涼，平時唔出街嘅話基本上唔使沖涼，所以慳到好多水，不過屋企人就嫌我污糟唔畀床我瞓，我1個禮拜有3、4日要瞓廳。」
問到森美有沒有教兒女慳水之道？他馬上嚴父上身說：「佢哋沖涼會當係玩，所以搞好耐，我要狠下心腸掉晒佢哋嗰啲鴨仔同盤，等佢哋唔好玩咁耐。」提到教子方法，他慨嘆現時為人父母甚艱難：「呢排咁多新聞話仔女殺父母，都要諗吓點樣教佢哋，以前細個做錯嘢媽咪會打，但依家唔可以打仔，惟有用愛的教育，嚴加管教係要嘅，但之後要呵番佢哋，話完要善後，小朋友好快唔記得。」
朱薰被調職
另外，同場還有DJ朱薰，日前她在網上自爆突然被調離主持了4年多的電台節目，問到她是否被電台開刀？她笑言：「唔係，只不過係節目調動，我依然係電台嘅員工。其實咁都幾好，我唔使咁早起身，可以多啲時間湊仔。來緊可能會試啲新嘢，可能開過育嬰節目都唔定。」
文：音樂組