周麗淇（Niki）主演新劇《女警愛作戰》播出至今反應理想，平均收視有28點，最高更達31點收視。對於新劇受歡迎，她說：「收視有3字頭梗係開心啦，希望成績繼續都係咁好。」Niki又透露近日忙籌備首張國語碟：「公司今次專程搵五月天做我幕後班底，依家歌已經準備得差唔多，稍後就會錄音。」提到有報道指她與舊男友翻撻，Niki謂：「我冇睇報道，一向都唔會回應，佢哋鍾意寫乜就寫乜，最緊要張相出得靚就得。」
