徐子珊撞瘀腳忍痛趕打戲
徐子珊昨日出席《2013優酷土豆集團與TVB戰略合作》發布會，透露前晚為劇集《神槍狙擊2013》拍攝動作戲時，本應要吊高十幾呎，然後跌落地碌過紙皮，但拍攝時卻不慎跣腳撞埋枱角，左腳撞瘀，翌日未及療傷便要開工，幸而劇組憐惜，不用她拍攝太多走動戲份，子珊更謂：「好在套劇就嚟完，嚟緊都多動作場面，我都會忍痛完成。」
同場的郭羨妮對於無綫劇集受權內地網站播劇，她不諱言是好事，更謂：「可以畀內地朋友輕易睇到我嘅劇。（你都喺內地站穩咗？）我都想，自己鍾意兩邊走，一年拍一至兩部戲，可以輕鬆啲，同埋都有計劃年尾可以有多個小朋友。（依家不設防？）見到面就盡量啦！」