夏雨打雜出身想兒子受苦
夏雨昨日帶兒子黃俊銘（Dixon）出席攝影活動，夏雨透露今年將監製兩部電影：「其中一部叫《提款機》，我個仔都有份拍。（你哋演父子？）唔會，做老竇嘅就最多係幫佢，帶佢出嚟，其餘嘅路靠佢自己行。我唔會心痛佢，因為我都係打雜出身。（驚佢學壞？）唔驚，呢行只要唔煙、唔酒、唔毒、唔賭就OK。」Dixon則說：「我唔怕辛苦o架！自問算乖，唔介意做打雜斟茶遞水。（想同爸爸一齊工作？）我望住佢都緊張啦！」
另外，提到近日社會接連發生倫常慘案，夏雨笑說：「希望我有咩得罪，求個仔原諒，我驚自己個頭被放喺雪櫃。」