古天樂呻中伏再陷火海

古天樂（古仔）、李心潔與張兆輝出席由彭氏兄弟執導的《逃出生天3D》新聞發布會，該戲將爭取於10月黃金檔期上演，昨日向傳媒率先播放的2D火災及爆破場面非常逼真，飾演退役消防員的古仔在戲中勇猛救人，卻自言曾經火燒眼眉留有陰影：「細個玩燈籠燒着，我嚇到即刻除衫，但都燒傷咗隻腳，頭髮同眼眉毛燒到燶晒，足足入醫院敷咗半年藥先好番，到依家仲好記得嗰種劇痛！原本導演同我講呢套戲啲火燒場面係3D，到簽完約後先知畀佢呃咗，全部用真火。」古仔特別要求電影公司為他買重保險，全身上下無一不漏。

唔敢隨處小便

剛在泰國拍攝電影《掃毒》的他黑了不少，他大呻說：「喺泰國曬足3個禮拜，日日飲成10公升水，又爆破又跳樓需要好大體能，唔使拍時就爭取時間舉啞鈴練大隻。」古仔還踢爆有工作人員隨處小便，結果「中邪」仆落樓梯，嚇得他以後寧願忍多半個小時也要坐車搵廁所！

談到本報早前披露韓國女子組合T-ara將在8月來港拍驚慄片，屬意由古仔擔任男主角，自《陰陽路》系列後與鬼絕緣的古仔興趣十足：「我未拍過韓國電影，都想睇吓佢哋製作係點，如果檔期啱會考慮。」對於有報道指他獲兩名高人指點催財致年賺過億，他詐傻說：「我唔知喎！之前因為拍戲受傷有搵過相士，佢仲批我40歲會斷腳，結果真係整斷咗條筋，搞到我依家都唔敢揸車！」

李心潔冇優待

至於同場的李心潔與老公彭順再度合作，卻沒有優待照被火攻，她說：「有場戲我同內地演員陳思成被困火場，老公覺得唔夠火要加火，3、4分鐘已經熱到成個火爐咁，未嗌cut我已經頂唔順走咗，有場着高踭鞋拍逃亡戲時仲仆親，成個膝頭傷晒。」不過心潔自言夠硬淨，不用老公特別錫住。

文：影視組