Nicole Richie似間非間讚！
今個春夏興起黑白直間條紋，加上過往襟興的黑白橫間配合，成為春夏的黑白潮流。而時裝作家Janice就最欣賞Nicole Richie的型格造型，大讚當中包含今季流行的元素——中性化和簡約主義，錯亂的視覺效果非常時尚，評分為五粒星啊！
Nicole Richie
「好型好cool，我畀五粒星！剪裁立體，又有層次，視覺感好強，畀人有着咗白背心、裏面係黑色連身裙嘅錯覺。條裙好簡單，今季流行中性化和簡約主義，着得好時尚好靚！」
Olivia Wilde
「好穩陣，條裙設計簡潔，上橫間下直間都唔會太花巧，若加隻粗身顏色膠手鈪，會更有60年代嘅視覺藝術美。」
連詩雅
「雖然好casual，但有出其不意感覺，着得唔錯。我覺得橫間短裙靚過直條，而且佢襯上今季流行的藍色，好過match黑或白色上衣。」
西野加奈
「稱不上甚麼時裝，就咁tee加短褲，再配銀色波鞋，太casual。其實黑白間條無論直或橫間，都令人諗起囚犯，唔易handle。」
文詠珊
「條連身褲唔靚，唔時麾，而且直身間條好蝦人着。佢仲加咗件長西裝褸，雖然今季興中性化，但因褸太長接近膝頭，令佢顯得好矮。」
薛凱琪
「我反而鍾意佢上身，今年流行中性化衣着，條褲雖然好搶，但配搭黑色長褲會更cool。髮型方面亦應該梳起，如紮all-back馬尾，唔應該咁girly。」
吳君如
「好好睇，直間套裝好型格，配卡通tee增添可愛感，整個視覺效果好強烈。佢係型格樣子，襯埋一頭短髮好時尚，呈現『人着衫』而非『衫着人』嘅表現。」
Janice Profile
王麗儀（Janice Wong），時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。