黃智雯罕有谷咪賀雙得情人節
無綫小花黃智雯和沈卓盈（Jess）在品牌活動中同樣穿Tube Dress上陣谷咪鬥晒事業線，難得性感的黃智雯令人眼前一亮，更自爆白色情人節與男士有約，雖然谷出4吋事業線的Jess風頭被搶，不過她出席活動前卻有男友派出座駕接載，成功爭回面子！
人氣漸升的黃智雯前晚力谷咪咪為代言的品牌谷人氣，同場的Jess和李綺雯等亦盛裝打扮。露出3吋事業線的她相當吸睛，加上前日是白色情人節，智雯稱要打扮得靚靚，與現場多對情侶慶祝。早前智雯為品牌拍攝電視廣告，特地駁髮8小時，之後又要拆駁髮為劇集開工，認真辛苦，她稱：「好多fans都懷念我呢個長髮Look，但我唔會刻意留長，想有唔同嘅感覺。」
受訪時，智雯自爆當晚與一名圈外男士約會，白色情人節可算有「着落」，不過智雯稱二人尚未拍拖：「大家約會咗一段時間，但想低調啲，希望大家畀空間我哋互相了解！」她最近在《女警愛作戰》中的演出被讚演得好過周麗淇，她謙稱：「今次呢個角色有啲變化啫！（劇集首播演員約食飯冇到鬧不和？）嗰晚我約咗家姐食嘢之後夜晚要開工，我哋冇不和，之後會再約食飯。」
獲派司機接載
至於谷出4吋事業線的Jess，跟從事金融投資的闊少Ray Mak拍拖數月仍打得火熱，更為嫁入豪門開始作好準備，實習做精明師奶仔，活動當日下午3時許，她趁空檔戴帽及黑超獨自到銅鑼灣行街，並變身「格價專員」，進入一間大型連鎖藥房後睇完牙刷再睇洗頭水，又拿起不同面膜比較，最後買了數盒清熱沖劑及喉糖離去，見她拿手機講不停，未幾已見其男友父親名下的70萬七人車駛至，她施施然上車，並由司機接載離開，準備裝身出席當晚活動。
文：影視組
攝：追蹤組