周秀娜夠資格教做生意
周秀娜（Chrissie）昨日到科技大學為創業講座擔任嘉賓，她表示會分享如何利用小成本做大生意的心得。上年升呢做內衣生意老闆的Chrissie表示，現在每個月的銷量都穩步上揚：「因為香港租金好貴，所以我依家淨係做網上，不過我好有信心，半年前投資咗七位數字，回咗嘅本我都放番落去投資。（開舖？）其他地方都想，不過香港有陳列室已經夠。」
提到Chrissie三年前去大學講talk被全城圍插無資格，問今次怕不怕歷史重演？她說：「唔擔心，當時係Model身份，今日係生意人身份，但做生意嘅嘢，好難預計得失，冇必勝嘅方程式，我今次都係分享自己過往嘅經驗。（升呢生意人，吐氣揚眉？）冇升呢，不過都開心，只不過上次比較學術性，自己唔係好熟。」