伍允龍當街「放水」：我祈禱
昨日《好報》獨家披露鍾嘉欣男友伍允龍孖台灣藝人吳建豪在中環夜蒲，兩人酒過三巡飲得臉紅紅走出街頭，不料伍允龍人有三急，趁夜闌人靜，鬼祟走到一幢大廈的暗角位，雙手放胯下當街小解，吳建豪則手搭其肩上，左盼右顧負責為好友「把風」。完事後兩人一起離去，繼續在蘭桂坊遊走，似乎想再搵地方繼續飲，期間伍允龍與吳建豪密密斟，只見吳建豪沿途不時拍對方膊頭以示安慰。
對於被指當街「放水」，伍允龍昨接受電話訪問時解釋當時只是祈禱：「其實只係角度問題，我同吳建豪都係虔誠嘅基督徒，下次唔會將隻手放喺咁尷尬嘅\位置。」至於伍允龍緋聞女友鍾嘉欣，則至截稿前未有回覆。