甄子丹搭橋擺陣白馬撼辣牛

丹爺最近忙於拍攝新片《3D冰封俠》，張揚已久的一場重頭戲原先安排在青馬大橋實景拍攝，不過台前幕後最終卻改往舊機場搭建仿真度極高的「青馬大橋景」作拍攝之用。

300萬戰車做道具

由於這場重頭戲乃當年《急凍奇俠》的經典場面，兼任動作導演的丹爺再拍自然要求「升呢」，難怪全程（目及）實不容有失。電影公司亦不惜工本，除高價買來白馬出鏡外，更準備了逾三十架私家車當廢鐵任撞，負責高層更大打人情牌，成功游說張智霖（ChiLam）借出市價逾300萬的林寶堅尼作道具之用，令場面更見震撼！

丹爺接受訪問時透露，今次雲集不少荷里活特技精英參與協助拍攝，台前幕後亦相當團結。談到騎馬戲份的危險性時，他不諱言該匹白馬不習慣跑硬地，令拍攝風險增加，他則叮囑工作人員一切以安全為上。

甄子丹騎着白馬與林寶堅尼「對峙」，震撼！	放大圖片	在舊機場斥巨資搭建的青馬大橋景，與現實中的大橋難分真假。

十隻手指已斷晒

他說：「總之準備工夫可以慢慢嚟，saftey first。（咁危險唔怕好似張家輝咁整親手指變Z形？）其實我一早斷晒，根本已經伸唔直。我都想拍得舒服啲，諗唔到電影公司畀我更多idea，好似呢場戲就係佢哋諗出嚟嘅。」當問到丹爺是否想「省靚招牌」，憑此片進軍荷里活？他即謙稱：「冇諗咁多，都係想做好本分，觀眾鍾意部戲就得嘞。」

丹爺緊張的看playback。	多部靚車任撞，認真大手筆。	新片請得不少荷里活特技精英參與拍攝。

據悉，昨劇情交代騎着白馬的丹爺追逐奸角，期間與ChiLam借出的「辣牛」林寶堅尼「對峙」，情況緊張兼激刺。與時並進的丹爺洞悉觀眾已看厭「由頭打到落尾」的動作戲，故決定今次在視覺效果上搞搞新意思。提到ChiLam仗義借出名車一事，丹爺笑謂：「我唔清楚，一切係電影公司安排，壞咗咪叫佢哋賠囉。（請ChiLam食飯？）幾時都得。（送首映飛畀佢？）冇問題。」

文：影視組