周汶錡最like老公胸毛唔拮肉
名模周汶錡在活動中，大爆老公的胸毛柔軟唔拮肉，對自己來說十分吸引，認真另類，可惜老公為做運動剃胸毛令她大感不悅。而Jessica C.最吸引男友的並不是其「警鐘胸」，反而是她的嘴唇，男友覺她嘴唇最誘惑。
周汶錡（Kathy）與妹妹周麗淇、「警鐘胸」Jessica C.（JC）、何穗、陳沛嘉、連詩雅、貝安琪等前晚出席Shiseido彩妝活動，Kathy透露早前在活動上見到蔣怡，身形依然fit爆，完全不覺她懷孕，被笑指快過她，Kathy說：「搞到我更有壓力，你哋唔好再畀壓力我。」繼被問到老公Julien Lepeu最愛她哪個部位？她說：「冇特別問，最緊要鍾意我。（你鍾意佢邊度？）胸毛，好難得啲胸毛好柔軟，唔拮肉，不過佢參加鐵人賽，因為跑步同游水，胸毛出汗阻礙速度，所以剃咗。（有冇嬲佢？）有同佢講難得咁柔軟，等佢唔做運動就叫佢留番。」
周麗淇獲姐夫撐場
而周麗淇忙於為有份演出的電視劇宣傳，稍後將會灌錄國語碟，正式打入內地市場，（搵邊個做MV男主角？）姐夫都唔錯，佢好有表演欲，就算唔識中文都有睇我部電視劇。（搵舊愛鄭嘉穎？）唉！走先。其實公司好多人在內地有市場，好似任賢齊。又唔係同鄭嘉穎合唱，搵佢拍MV好怪。」
同場JC擔任模特兒，問她男友最喜歡她身體哪一部分？她笑言：「全部都鍾意，最鍾意我個嘴，成日錫我，佢話好sexy，係誘惑嘅性感。（鍾意你身材？）當然，佢覺得好完美。（鍾意你嘅警鐘胸？）你要問番佢。」她表示男友最唔鍾意佢多嘢講：「我同唔識嘅人都可以傾一餐，尤其係同唔熟嘅男人講嘢，佢唔鍾意。」她又表示希望男友四月能來港與她慶祝生日。
超模何穗拒入娛圈
另外，中國超模何穗以代言人身份出席，問到將來會否轉型做幕前拍戲？她說：「完全冇興趣入娛樂圈，唔鍾意拍戲。」她表示近期忙於巴黎、米蘭行時裝騷，故時常飛來飛去，而今次來港亦不會順道到中國探望家人，因接着要到紐約工作。
文：名人組