杜汶澤借小豬寸爆秋生
杜汶澤和黃秋生這對「冤家」昨晚前後腳現身英皇春茗，先到場的阿澤被問到秋生批評他和彭浩翔的低俗言論Cheap，阿澤竟一反「寸嘴」常態，對秋生的評論均以「冇回應、冇意見、冇諗法」作答。問到是否不想和秋生「糾纏」，怕變小豬事件沒完沒了？阿澤抵死說：「當一個人連羅志祥（小豬）都唔識真係冇乜好回應。」
半小時後秋生到場，問他可知阿澤也在場時，秋生寸嘴說：「我點會知，我又唔係同佢一齊住，你哋去問田蕊妮啦。（你話佢Cheap怕唔怕佢嬲？）呢啲嘢講完仲講，使唔使我搵本英漢字典解釋呀？講番正經嘢啦。（阿澤話連羅志祥都唔識冇嘢好回應？）你鍾意講乜就講乜啦。」他謂今年金像獎負責頒男主角獎，本已想好台詞，但現在可能會改台詞，似乎要落「重藥」對付！由於阿澤是5名影帝候選人之一，問秋生會否看好阿澤奪影帝？他似有弦外之音說：「睇好佢有份，希望4個都有獎啦！」而兩人入座相鄰酒席後，秋生被安排背對阿澤而坐，兩人全晚零交流。
