阿嬌帶男友見「家長」成功過關

容祖兒、Twins、林峯、謝霆鋒、古巨基、任達華等巨星昨晚盛裝傾巢而出出席「英皇娛樂英皇電影2013春茗晚宴」，鍾欣桐韓籍男友Tyler以經理人身份聯同多位韓星組合少女時代成員Hyo Yeon、韓嘉恩連同老公延正勛及組合MissA成員Min現身，同場嘉賓霍震霆、查小欣、張耀榮、樂易玲、黃柏高等均是座上客。春茗由楊受成夫婦點睛揭開序幕，同時播出英皇電影過去及將會上映的宣傳短片，Tyler因照顧同行韓星未有與女友同枱，但與女友近在咫尺。雖然不是由阿嬌親自拖住見楊生，但Tyler先跟吳雨合照，入席後又親自帶同行的韓星跟楊生握手及打招呼，兩人均笑得開懷，似乎首次「見家長」成功過關。而楊生在台上大合照後，主動落台跟Tyler碰杯，表現友好。之後，吳雨擺兩人上枱開玩笑，主動邀阿嬌上台與男友合照及祝酒。

阿Sa戥拍檔開心

與男友首次在港同場的阿嬌以Tube Dress與穿背心裙的好姊妹蔡卓妍（阿Sa）一齊步入會場，阿嬌日前在韓國大方翹實韓籍男友Tyler出席電影首映禮，問到為何不拖男友現身？阿嬌說：「佢要接韓國藝人。（同男友合作有着數？）佢係幫公司所有藝人。（幫埋你？）梗係。」隨即踢爆男友臨時要求她一齊行首映禮紅地氈，她說：「我都覺得好突然。」由於阿嬌的韓國及美國經理人合約成功簽給男友，問到會否到當地發展？她說：「暫時未有，4月至6月要去北京拍戲。（會唔會同男友傾點發展？）佢有佢計劃。（合照？）問吓佢啦。」而阿Sa坦言最緊要Tyler真心愛阿嬌，並戥她高興。

一眾英皇歌手及旗下藝人在台上大合照，聲勢浩大。	容祖兒	古巨基

容祖兒避談戀情

以黑色短裙一身春裝打扮的祖兒大方透露曾與阿嬌男友Tyler食飯，她說：「幾好吖，都好照顧阿嬌，聽同事講對阿嬌好深影響，工作表現好過以前，都戥阿嬌高興。」問到其男友劉浩龍是否對她很大影響？祖兒說：「每對情侶有好嘅影響先行得耐，我依家好完美，冇得再影響。」早前被拍到到男友數百呎家過夜，祖兒說：「我嘅方針唔太講呢啲，不論真與假都冇意見，係私人生活一部分，影咗就算唔使講咁多。（5月同男友去美國？）亂作，我8月先去美國，去兩個星期左右。」

霍震霆	阿嬌（左）和阿Sa盛裝打扮。	放大圖片

文：音樂組