剛出院的加拿大歌手Justin Bieber在上周五於酒店門外，聽到一記者用粗口鬧他，又叫他「滾X返美國」，Justin即時衝落保母車，爆粗問對方「講緊乜X嘢」，又衝前用手擋鏡頭話要「打X佢」，幸得大隻保鏢極力勸阻以防兩人動粗。
Justin事後留言指自己都是人，被人用鏡頭全日對住又不停講難聽說話針對，形容這是「艱難的一周」，但近日密集的負面新聞實令其「壞孩子」形象入晒格。而名嘴皮爾斯摩根（Piers Morgan）就留言力撐Justin。不過有指Justin早前拒絕為媽媽Pattie Mallette的新書拍封面，甚至吵大鑊，其「孝順仔」形象似乎蕩然無存。