蔡加敏懷第三胎嘔足四個月

蔡家今年真是喜事連連，先是蔡志明孻仔蔡加讚與汪圓圓宣布訂婚並將於今年11月拉埋天窗，接着就是長女蔡加敏（Carmen）第三度懷孕，蔡生蔡太即將榮升第三任公公婆婆。前日記者致電Carmen求證懷孕一事，她大方承認說：「依家佗咗BB啱啱六個月，預產期係六月，都會同之前一樣開刀分娩。今胎佗得好辛苦，辛苦過之前兩次好多，嘔咗足足四個月。」

最緊要BB健康

問她可知這胎係男仔定女仔？Carmen：「未確定，不過仔女都冇所謂，仔女我都有，最緊要係BB健康。（生埋呢個收工未？）收喇，今次都算係意外，第時會再小心啲。」她透露其實大除夕時已知道自己懷有身孕，不過當時她與夫婿馬鴻銘怕BB小器，所以才對懷孕一事守口如瓶，現在已可放心講出來。

蔡志明夫婦（右三、四）對子女們都有好歸宿，大感安慰。	蔡加敏與夫婿馬鴻銘一向恩愛。	蔡加敏笑言有仔有女，第三胎仔女都冇所謂。

囡囡乖巧懂事

問到她的囡囡和囝囝知否有細佬妹快將出世？Carmen說：「佢哋知道，有教佢哋，囡囡Chelsi第二次做姐姐，佢一向好錫細佬，好乖好懂事，依家可以同佢講道理，有時佢會問『點解要我讓細佬？點解次次都係我讓？』我哋會耐心解釋佢聽，佢都會明白，好受教。」

文：名人組