Bobby日日錫老婆恨生B
藝人歐陽震華（Bobby）、關詠荷（荷姐）、敖嘉年等昨日為劇集《情逆三世緣》開廠，早前因急性肺炎而入院的Bobby大病初愈後首日復工，劇組更特地送了一張心意卡和兩盒雞精給Bobby，而好友荷姐則送了一條膠水喉給他：「我代表你太太同fans送畀你，你要袋住佢，警惕你唔好再將啲喉放入口。」
佛山取景看護同行
住院時全身插滿喉的Bobby一見膠喉即驚慌說：「依家一見到喉就驚。」已回復昔日身形的Bobby中氣十足，他表示改變了作息時間：「我依家夜晚11點前就會返屋企。」問到四月要上佛山拍外景的他會否帶同看護時，他即笑言：「唔使啦，大陸大把年輕貌美嘅看護……係男看護呀，老婆都會去，其實呢排都令佢受驚喇，我要愛錫佢多啲。（點錫法？）日日攬住佢嚟錫，我哋從未試過咁恩愛。」他又笑言要生龍B：「生唔到就收養啦，都係年輕貌美嗰啲。」而關詠荷對於老公張家輝是今屆金像獎影帝大熱，她笑說：「平常心啦，頒獎禮當日我唔喺香港，不過我個心長年都為佢打氣。」
文：影視組
