葉德嫻預告封咪開騷冇take 2

葉德嫻一連三場的《葉德嫻SING FOR ME 2013演唱會》前晚開鑼，黃耀明、林保怡、無綫高層樂易玲、李丞責夫婦等到場觀賞。Deanie姐先以一身金色「小Ｖ」裝準時出場，她率先360度向在場粉絲及好友打招呼，唱畢兩歌後，才命人開閘放遲到歌迷入場，她鬼馬地說：「你哋做咩遲到咁曳曳，我以前都好鍾意遲到，仲有個花名叫『葉例遲』，不過後尾都有改過。」

65歲的Deanie姐演繹不少經典金曲，豈料她全晚多次自咒「隨時行得」，更預告演唱會冇Take 2：「因為年紀唔小，隨時都可以『行得』，所以我相信呢次演唱會係我個人嘅最後一次，大家要保重啦！講到好似遺言咁。」

葉德嫻蹲下身子，與拉小提琴的小朋友交流互動。	葉德嫻與倫永亮風騷合唱。	樂易玲與林保怡不約而同是捧場客，見面後還擁抱示好。

情迷意大利男

她更破格大跳踢躂舞，跳得興起時卻亂了拍子，Deanie姐即嗌停：「I can't do this，我甩咗鞋帶。」勞煩工作人員上台幫忙後，她更引領全場萬人「大合跳」。此外，她全晚論盡娛圈趣事、民生政情等，一直單身的她更自爆情迷意男：「意大利仔靚仔，又唔太高，好適合東方人。我有時一個人去意大利，不過唔係去溝仔呀！」

在尾聲時，全晚穿上高踭鞋的Deanie姐索性當眾除鞋獻唱，更見到滿腳膠布。貴為影后的她又戲癮大發，戴上白色假髮，扮演法國經典歌手Edith Piaf大唱外語金曲，走路時更刻意表現得老態龍鍾，宛若「桃姐」上身。

文：音樂組