網民鬧賣國賊 祖藍：有人怕聽真嘢
王祖藍昨日舉行新碟簽唱會，除有小妹妹要求跟他合照外，更有媽媽級粉絲表現冧爆，除向他托腮外，更送飛吻。大會安排內地粉絲上台玩遊戲，司儀問祖藍女友李亞男身份時，粉絲即答「未來阿嫂」，但祖藍卻說：「我都未知。」
祖藍日前在微博談及香港限制奶粉政策，卻遭網民罵是「賣國賊」。剛由佛山商演回港的他稱沒有受言論影響：「大家都有唔同睇法，但唔好咁偏激。」問可會減少發言？他坦言會改用比喻：「有啲人好怕聽真嘢，最緊要大陸做好啲奶粉，佢哋有信心就唔會嚟香港爭。」他又在微博留言指自己可能表達得不好。
另外，祖藍承認近期有睇樓，不過地產經紀提議他「睇定啲」，因樓價可能有回落。問有沒有心水靚盤？他謂：「買村屋會靜啲，但買上樓單位就會保安好啲，我唔想有賊『幫襯』我。」