無綫與四大唱片公司的問題雖已解決，但為了肥水不流別人田，無綫仍不時力谷上位小生及花旦在各大活動中獻唱，可惜部分藝人睇得唔唱得，令無綫的如意算盤打不響。
2008年，黃宗澤與陳奕迅在《勁歌金曲頒獎典禮》合唱《K歌之王》時頻頻走音，要靠陳奕迅和唱才過關，事後黃宗澤解釋因緊張才導致走音。
去年12月，高海寧出席活動時大開金口獻唱，雖然聲線不俗，卻不慎走音兼甩嘴。事後她死撐只是太緊張，又強調已跟唱歌老師學藝兩年。
苟芸慧雖揚言有意組處女band，不過去年出席平安夜活動獻唱時卻表現緊張，不但雞仔聲，廣東話咬字亦差強人意，露事業線亦無助加分！
