唐詩詠全走音馬明派Like

被封為筍盤的無綫小生馬國明昨日首次與緋聞新歡唐詩詠情侶檔亮相，出席DSC德爾斯15周年活動，馬明更連續第三年成為代言人，他甫出場即被司儀小儀抽水拖手，笑言想與他傳緋聞。

旁若無人咬耳仔

其後詩詠身穿黃色低胸裝上台，罕有地谷胸晒咪，並獻唱《給我愛過的男孩們》，大會臨時安排馬明留在台上伴舞，見他情深款款望實詩詠，令女方心如鹿撞連入了歌也不知道，要音樂重新播放。期間馬明圍着詩詠轉圈，又輕搭其香肩，之後更主動拖實幫她定驚。但甚為緊張的詩詠幾乎全首歌也「唔啱音」，猶如朗誦一樣！其後到抽獎環節，兩人又不時旁若無人咬耳仔，感情相當好。

唐詩詠緊張走音，馬明即拖實女方定驚。

長情的唐詩詠每次都為崔建邦講好說話。（資料圖片）

活動後，詩詠解釋大會起初播錯音樂，但承認被馬明望實難免緊張，她表示是第一次對着異性唱歌，緋聞正印崔建邦也沒此「福利」，不過選唱此曲並非刻意傳情。問馬明給予詩詠歌藝多少分？他竟說：「高分！我一定話好聽o架啦！」絕對是情人耳裏高一啲！

馬明承認情侶檔價錢可觀：「傳多啲緋聞冇所謂，唔好咁難聽就得，客戶鍾意請我同嗰期傳緋聞嘅女仔一齊。」詩詠聞言即大發嬌嗔說：「咁花心！」馬明解釋：「搵錢啫！」問會否送電器冧女？他笑說：「冇喎！依家女仔鍾意鑽石！不過詩詠近排屋企裝修，可以幫到。」詩詠即嚷着叫他陪買電器，又希望可齊齊代言。提到早前馬明獲頒傑出表現電視男藝人，詩詠表示尚未送禮，但會一班朋友請他食飯。

為崔建邦講好話

此外，提到崔建邦主持的《勁歌金曲》收視低迷，長情的詩詠不忘為邦邦講好說話，認為之後有更多歌星上節目，情況會變好。至於馬明則冷對舊愛胡定欣在劇中騷胸：「我早知啦！（早知佢好身材？）係專業，劇情需要啫！TVB好多女仔都咁專業。」

文：影視組