薛凱琪翻撻玄機：祖名係好男仔
薛凱琪（Fiona）跟房祖名的緋聞關係糾纏多年，兩人被《好報》踢爆秘密「翻撻」，「同車」當場斷正，Fiona大方承認跟祖名不時見面吃飯，更不避嫌大讚：「祖名係好男仔。」並不介意被傳媒寫她與祖名的緋聞。至於兩人發展機會，她就保留不答。
Fiona跟祖名日前被《好報》獨家拍攝到甜蜜「同車」，兩人「翻撻」斷正，Fiona不避嫌疑大讚祖名是好男仔。「祖薛戀」兜兜轉轉多年，但兩人一直堅稱是好朋友，據知當晚祖名帶同着到成隻雀咁靚的Fiona，介紹給台灣天王兼好友周杰倫認識，並多得周董識趣掩護，兩人在夜店暗角談心，直至凌晨四時才捨得離開，祖名親做柴可夫送「女友」返歸。
Fiona昨日在電話中為跟祖名「同車」鐵證親自解話，她自揭當晚祖名跟謝霆鋒、方大同、徐濠縈等約食飯，並在微博上載照片，但她因為錄音而未能出現，之後她才跟祖名、周董再會合去飲嘢。對於「翻撻」斷正，Fiona冧笑說：「都話唔係翻，都冇撻過，我哋耐不耐都會食飯見面。」祖名帶她這個「女友」見朋友？她笑說：「唔係，祖名最鍾意成班一齊，佢最愛熱鬧。」
避談發展機會
對與祖名的緋聞傳個不停，Fiona並不在意，更對祖名讚不絕口，她笑說：「做藝人預咗畀人寫，寫我同祖名好過寫一個我唔friend嘅人，佢係好男仔，記者要寫，寫佢好過。」祖名既然是她口中的好男仔，何不好好考慮呢？她不置可否笑說：「大家都好忙，冇考慮任何嘢。（有冇發展機會？）大家係朋友，冇話機唔機會。（唔排除有發展可能？）我唔會答。」截稿前祖名未有回覆。
文：音樂組