胡諾言推介學前班

楊思琦圈中朋友不多，與已有兩位小朋友的胡諾言可謂較熟落。胡仔昨日接受訪問時，透露與思琦已相識7、8年，隨着年前思琦升為人母，雙方不時交流湊B心得，過程間令大家友情更進一步，他謂：「不過佢同我太太陳琪熟啲，有啲嘢大家係女性易傾好多，好似思琦個女出世時，都會問太太點餵奶。依家呢個時間（歲數）係要入playgroup，都會打嚟問吓意見，好似問揀邊間好，真係好佩服思琦呢個單親媽媽，有好嘢梗係要介紹身邊好友啦！」胡仔直言有向思琦推薦playgroup學校，更謂：「見我大女讀過嗰間幾好，所以咪介紹畀佢囉！」