林熹瞳怕戀大眼仔 驚亂倫
藝人林熹瞳（Rachel）既是演員，又是製作公司總監、編劇、剪片師，集多項才華於一身，點止「怪談女」咁簡單？她揀對象偏愛細眼男，因哥哥是大眼仔，若另一半大眼令她有亂倫feel。
一人分飾多角的Rachel，完全沒有荷里活金像巨星阿爾柏仙奴「I need a role！」的煩惱，因為她喜歡為自己開創角色，她說：「我諗藝人兼顧埋幕後工作會係種趨勢，我好怕做死同一類工作，兩年幾前有間製作公司想簽我做藝人，有次帶埋我去見client，發現我提嘅意見都幾好，無心插柳下，我參與埋公司嘅策劃工作，我覺得比想像中好玩、有挑戰性，令我更有推動力做好每個project。」
剪片打天才波
本來Rachel不懂剪片，有次膽粗粗趕條trailer用，便打天才波，她說：「可能我鍾意睇戲，將好多記憶套用落去，睇過嘅人都話好。」另外，她正編寫一個三百集的動漫劇本，黃玉郎睇過初稿，不信她是初哥，還照付熟手編劇的酬勞給她。
身兼多職，Rachel會否無暇談戀愛？她說：「咁我又唔係忙到冇時間剩，如果有拖都會拍，可惜仲係約會階段，仲等緊真命天子。我鍾意有才華、專一、幽默嘅男士，最特別嘅係要眼仔細細，因為我阿哥對眼好大，我唔想第時男友眼大大，我驚會有種亂倫嘅錯覺，不過只要有頭兩個條件，我都好滿足。」
文：陳奕龍
化妝：Penny Kan
髮型：Louis @ HH's Hair