何倍倩全職養胎下廚冧老公

「恒生新抱」何倍倩（Anina）、前2R成員黃婉君（Rosanne）等昨日出席活動。懷有龍鳳胎的Anina笑言重了20磅：「因為好難買衫，所以會自己買布，搵裁縫造衫。」現在全職養胎的她，笑言不時下廚，老公對她的廚藝亦讚不絕口。問到她生完此胎後是否收爐？她笑言：「絕對收爐！（順產定開刀？）會擇日開刀。（改咗名未？）會搵相士根據佢哋嘅時辰八字改名。」
何倍倩身上呢件衫都係搵裁縫造嘅。
何倍倩身上呢件衫都係搵裁縫造嘅。

而Rosanne就透露自己懷男B：「雖然我想生女兒，不過22個月大嘅囝囝知道就快有細佬好開心，令我覺得生仔都值得。」她表示必定會以母乳餵哺兒子：「我上胎餵咗八個月人奶，BB一直都好健康，但一停餵人奶，佢就開始病。雖然餵人奶好辛苦，但犧牲都係值得。」

Rosanne認為餵人奶對ＢＢ健康好。
  • Rosanne認為餵人奶對ＢＢ健康好。