陳敏之狂儲鑽石 婚戒冇計

藝人陳敏之、名模Ana R.及Cara G.前晚一同出席意大利商務專員公署呈獻「意大利珠寶匯演2013」活動，其中擔任嘉賓的敏之佩戴了二百萬元的珠寶，問她可有收藏珠寶首飾？她笑說：「人愈大收藏就愈多，我視為投資之一，我都有買鑽石嘅習慣，諗住第時生女畀晒佢，（小富婆？）我儲嘅鑽石都超過六位數字，總之我每拍完一套劇就會買一件鑽石獎勵自己，最貴一件鑽石價值十幾萬！」

事業型會遲婚

問到男友可有送鑽石給她？她甜蜜地說：「有，但唔係結婚戒指，（幾時收結婚戒指？）冇乜所謂。（睇吓隻鑽戒靚唔靚先考慮嫁？）我唔計大小，我個人唔重物質，最重要係佢份誠意，我係一個好簡單嘅女仔，（家人有冇催婚？）媽咪冇，香港啲女仔都遲婚，我係事業型，不過我身邊好多朋友都生晒BB，有BB玩唔使生住。」

陳敏之曾因拍劇跌倒而鎖骨斷裂，自嘲搏殺唔使靠性感。（資料圖片）	Cara G.婚禮舉行在即，笑言要勤接騷搵錢。	Ana R.為大會示範珠寶。

搏殺跌斷鎖骨

對於近日TVB不少女藝人都大騷性感十分搏殺？敏之說：「我唔會刻意性感，性感係視乎場合，我冇佢哋咁好身材，不過我覺得靚嘅嘢唔好收埋，依家仲靚仲可以騷！」她更笑謂曾因拍攝一場「全裸」跑戲跌倒致鎖骨斷裂，自己才是第一個最「搏」的人。

而同場負責行騷的Cara G.就透露三月底將會到泰國舉行婚禮，現趁出發前積極接騷賺錢。

文：名人組