林峯：咪咁老土

與「千語BB」吳千語19日內由東京、沖繩愛到米蘭的林峯，昨風騷出席護髮品牌活動，當大會司儀提到「BB」二字，chok爆峯峯即掩嘴甜笑！有指跟千語高空「機震」，峯峯強調私事不想次次回應，澄清事件被傳媒扭曲：「好可悲，呢個係好sweet嘅trip，一個goodnight kiss同問佢食唔食飯，出嚟變咗咁。我哋係好正常嘅行為，係報道手法唔啱，希望大家適可而止。」有傳送女友黑卡，他笑道：「咪咁老土，咩年代呀？（180萬名牌你找數？）呢啲好私人嘅嘢唔使分享，我都有買好多嘢畀家人。」記者追問他是否默認找數，峯峯即嚇窒說：「吓？到此為止，唔好每次都回應。」二人愛得癡纏，會否考慮同居？他笑謂：「你哋有冇拍過拖？拍拖唔係咁o架咩？」