文凱玲難忘阿倫冇架子
曾參選港姐的女星文凱玲（Connie）踩入影壇，早前客串邵氏賀歲片《2013我愛HK恭囍發財》，與主角譚詠麟（阿倫）及曾志偉有對手戲，她大讚兩位前輩冇架子，還會主動撩她傾偈，更齊齊度了一段非常長又搞笑的對白：「佢哋主動撩我一齊傾對白，結果Jam出嚟效果好掂，佢哋都驚訝我原來記性咁好，雖然最後呢Part剪走咗，但都係一次難得嘅經驗！」
另外一場戲，因有女演員突然沒有出現，劇組又急需演員人出鏡，Connie即急Call妹妹幫忙，問到是否想妹妹入行？她說：「唔係，畀佢玩吓啫！新年時候睇戲，家人見到我哋兩姐妹齊齊出鏡，感覺好得意！」