糖妹30歲前唔諗嫁
組合糖兄妹成員黃山怡（糖妹）與組合Bro5成員男友Dominic感情穩定，Dominic更趁新年以厚禮拜會「未來外母」，氹得女友糖妹大讚乖仔，不過，事業型的糖妹坦言要30歲後才計劃結婚！
糖妹與糖兄早前趁新年各自放假做「自己嘢」，將於四月與女友拉埋天窗的糖兄忙於籌備婚宴，反而糖妹與男友Dominic四出拜年，問到為何不與男友出外旅行？抵死的她笑說：「去旅行咁危險，怕畀人影到！」有指她與男友同居，糖妹否認兼澄清說：「唔係，傻o架咩！」
四出逗利是
問到有否同未來奶奶拜年？糖妹說：「唔好咁講，今年都四圍逗利是，見到好多親戚。（男友同行？）佢有同我媽咪拜年，算乖仔啦！」問到雙方父母有否催婚？糖妹說：「未來八年、十年都唔會諗，起碼30歲後先計劃。」由於Dominic不時與o靚模合作，擔不擔心男友受引誘？糖妹信心十足說：「喺得埋一齊就要相信佢。」
焦點放事業
糖妹透露很少與男友行街「濕平」，很多時都留在家中，即被取笑慳皮，糖妹說：「久唔久落樓下食飯，因為我哋唔鍾意行街。（怕被影到拍拖？）唔想大家將焦點落喺感情事上，大家都好努力工作。」
文：音樂組