吳啟華坎坷醫生戀港姐
吳啟華拍電視劇《妙手仁心》系列時演活了程至美醫生，深受家庭主婦歡迎，因而有「師奶殺手」之稱，事隔多年，他在新劇《On Call 36小時II》再演醫生，今次的角色是命途坎坷兼患絕症，並會與港姐朱千雪演一對。
吳啟華在《妙手仁心》系列中演程至美醫生，吸納了一批主婦粉絲，角色太深入民心，他在新劇《On Call 36小時II》再演醫生，縱使他說可擺脫舊形象，但觀眾亦未必可忘記其角色，對此吳啟華說：「我依家呢個角色，坎坷過程至美好多，仲冇佢咁偉大，坎坷命運構成佢性格複雜，都幾難演。劇本可以幫到我擺脫之前角色，我就冇所謂，只要有人識、有人讚就得。」
仍未知下場
不過，吳啟華仍未知自己在新劇的收場，他說：「一開場就話我有絕症，所以個角色同正常人對生死睇法好唔同，到依家，劇本未出，我都唔知到尾會點，使唔使死都唔知。」
吳啟華今次在劇中與應屆港姐朱千雪配成一對，朱千雪是第一次拍電視劇，與吳啟華拍完第一日戲，吳啟華就對她讚不絕口：「佢雖然第一次拍劇，但完全唔似新人，好聰明，同佢合作時，佢幾乎冇NG。」
獲吳啟華大讚的朱千雪說：「我手上劇本頁數唔多，都唔知劇情發展，第一日開工，吳啟華幫我好多，帶我入戲，最難係要講好多醫學專有名詞，真係又長又難讀。」兩人日前在街頭拍戲，吳啟華獲幾位師奶粉絲現身支持，可能愛屋及烏，粉絲亦有邀請朱千雪合照。
文：影視組