卓韻芝教男士安全劈腿
向來敢作敢為的卓韻芝，感情同樣愛主動出擊。她曾向意中人表白，但慘食檸檬。不過她已想出如何吸引異性的方法，稍後開騷的她更會分享男士安全「臂腿」秘訣，此舉可能會激嬲不少女士。
率性的卓韻芝向來我行我素，早前她將素顏加事業線的自拍照上載微博，旋即熱爆網絡，更成為宅男女神。對於一改以往的「兩點」化妝造型，她笑言最近多了異性埋身︰「係就係多咗男仔幫我手，不過追求好似冇乜咁，哈哈，可唔可以介紹啲男仔嚟？」
唔心急拍拖
雖然處於單身狀態，但阿芝坦言現在有意中人，可惜主動出擊表白卻仍食檸檬，但她不願透露是否圈中人。阿芝說：「我有好鍾意嘅人，咪人一個囉！但佢好似唔係好騷我，之前有表白，但係失敗，換來傷心嘅答案。」問得到甚麼回覆？她謂︰「都係嗰啲答案，佢答我『你好好，但我事業心重』，之後又話『你好好，但依家timing唔啱』。不過我對拍拖唔係好急，又唔係趕住結婚，最緊要睇下婆婆鍾唔鍾意先。」
講盡踩界事
雖然示愛不成，但阿芝直言不會放棄。將於澳門舉行talk騷《罪該萬死》的她，會邀意中人過大海睇騷。阿芝揚言會在騷上講盡一切踩界事件，更笑言會教男士如何滾得安全，她笑說︰「個騷會講好似奶粉嘅嘢，總之好笑為主，而且因為有朋友成日分享去滾嘅經歷，所以男仔如果想去滾又要安全嘅，咁就要嚟睇。」
文︰專案組 攝︰劉智源
化妝︰Micky Choy@such a good
髮型︰Ziggie@Salon La Mod
眼鏡︰Visual Culture
場地︰穴藏