顏卓靈獲頒新演員獎

影壇女新人顏卓靈（Cherry）日前出席香港電影工作者總會春茗，憑電影《大追捕》獲頒「2012年度新演員獎」，獲一班業界人士認同，Cherry直言意想不到，開心到爆燈！她說：「估唔到第一次參加呢個春茗就得獎，最多謝周顯揚導演畀呢個有發揮嘅角色我。我成日覺得自己係細路仔，有時懷疑係咪適合呢行，係咪演戲材料，今次得到認同，真係幫我打下強心針！」19歲的Cherry表示演戲是其夢想，會繼續努力，亦鼓勵年輕人勇於追夢！